İslam şəriətinə görə, uşağın qəyyumluq hüququ atasına məxsusdur. Bunun səbəbi o ola bilər ki, talaqdan sonra qadın yenidən ailə qurmazsa, uşağı saxlamaq üçün maddi sarıdan çətinlik çəkə bilər. İkinci dəfə ərə getsə, daha zəif olduğu üçün övladını atalığın zülmündən qorumaq imkanına da mailk olmaya bilər. Buna görə də dinimiz uşağın atada qalmasını məsləhət görür. Əlbəttə, qarşılıqlı razılaşma əsasında və ya məhkəmənin hökmü ilə uşağın ana ilə qalması da mümkündür.
Qeyd edək ki, körpə uşağın müəyyən yaş həddinə kimi anası ilə qalma hüququ vardır və ata həmin müddət bitənə kimi bu hüququ poza bilməz. Uşağı 2 yaşı tamam olana kimi anasından ayırmaq olmaz. Bu müddəti 7 ilə kimi uzatmaq müstəhəbdir.
MHP.Az
