Qusar rayonunda 2 milyon 085 min 086 manat məbləğində 27 tender keçirilib – FOTOLAR

2020-cu ildə Qusar rayonunda dövlət qurumları tərəfindən ümumi məbləği 2 milyon 085 min 086 manat məbləğində 27 tender keçirilib.

FED.az-ın məlumatına görə, İcra hakimiyyəti 11 tenderə 1 milyon 424 min 996 manat xərcləyib.

Qusar Rayon Icra Hakimiyyətinin keçirdiyi ən böyük 2 tenderi bir şirkət udub. Bele ki, “EVEREST TİKİNTİ” MMC dəyəri 588 min 654 manat və 539 min 098 manat olan 2 tenderin qalibi olub.

Qusar rayon mərkəzi xəstəxanası ümumi məbləği 218 min 873 manat olan 7 tender müsabiqəsi keçirib. CilinC Medical MMC  və ART POINT REKLAM MMC hərəsinə 2 dəfə olmaqla  mərkəzi xəstəxananın tenderlərini qazanıblar. Şirkətlərin qazandığı  tenderlərin məbləği müvafiq olaraq 84 min 237 manat və 63 min 214 manatdır.

Qusar Kommunal Müəssisələri Kombinatının keçirdiyi 5 tenderin 4-nün qalibi Verdixanov Mübariz Eygün olmuşdur. Qusar Kommunal Müəssisələri Kombinatı fiziki şəxsə 59 min 330 manat ödəyəcək.

Qusar Suvarma Sistemləri İdarəsi 3 tenderə 348 min 649 manat xərcləyib. Keçirilən hər 3 tenderin qalibi “SONA” MMC olmuşdur. Dövlət Qurumu şirkətə cəmi 348 min 649 manat ödəyəcək.

Qarşı tərəf kimi adları çəkilən şəxs və dövlət orqanlarının da münasibətin ictimailəşdirməyə hazırıq.
 
Mənbə FED.az

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir