Ərdoğan: “Qarabağda işğalın sona çatdırılmasında olduğu kimi, hər təşəbbüsümüzü uğurla yerinə yetirdik”

Bizi bir terror qurşağı vasitəsi ilə xüsusən Suriya sərhədi boyunca mühasirəyə almağa çalışıblar, bu, unudulmamalıdır. Millətimizin və Kipr türklərinin Şərqi Aralıq dənizindəki haqları qəsb edilməyə çalışılıb.

MHP.az APA-ya istinadən bildirir ki, bunu bu gün Türkiyə Prezidenti Rəcəb Tayyib Ərdoğan videokonfrans formatında “Mavi Vətən-2021” təlimlərini izləyərkən çıxışında bildirib.

Prezident deyib ki, Türkiyə bunun kimi çoxsaylı haqsızlıqlara, açıq və gizli sanksiyalara məruz qalıblar: “Qarşılaşdığımız çoxsaylı ikili standartlara baxmayaraq, maraqlarımızı qorumaqdan geri çəkilmədik. Sərhədlərimizdən kənarda həyata keçirdiyimiz əməliyyatlarla Suriyanın şimalındakı terror zəncirini 3 fərqli yerdə parçaladıq.

Əməliyyatlarımızla 8200 kv.km-dən çoxdan çox ərazini İŞİD və YPG terrorçularından təmizlədik. Şərqi Aralıq dənizindəki karbohidrogen qaynaqları üzərindəki haqlarımızı nə bahasına olursa olsun, müdafiə edəcəyimizi açıq formada ortaya qoyduq. Beynəlxalq hüquq çərçivəsində atdığımız addımlarla Liviyanın qiyamçılar tərəfindən işğalına mane olduq. Ölkəmizi Antalya sahillərinə həbs etməyə hesablanmış cəhdlərin qarşısını aldıq. Dağlıq Qarabağdakı işğalın sona çatdırılmasında olduğu kimi, hər bir təşəbbüsümüzü uğurla başa çatdırdıq”.  

MHP.az

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir